حكايتى الغريبه بدأت وانا سنى ١٩ سنه انا اسمى ساره من أسره متواضعه بابا كان بيشتغل سواق في شركه ووالدتى ربه منزل رغم انى كنت شاطره في الثانوى برغم ان اهلي مكنش معاهم فلوس يدونى دروس الا انى جبت مجموع كويس وكنت هموت من الفرحه لكن يافرحه ماتمت بابا قالي انه مش هيقدر يدخلنى تعليم عالي 😥 ودخلت معهد سنتين والحمدلله خلصته وبدأت اشتغل في مول عشان اقدر احوش فلوس اجهز بها نفسي لانى عارفه ان الجاى على قد اللي رايح وبابا مش هيقدر يجهزنى ومرت الايام وفي يوم لقيت بابا بيقولي: تعالي يا ساره عايزك في موضوع
ساره: خير بابا؟!
اسماعيل بفرحه وبدون مقدمات: جايلك عريس مهندس ومن عيله كبيرة ومرتاحين قوى
انا الفرحه اخدتنى عريس!! يعنى هحب واتحب وفستان ابيض وفرح كل الافكار دى دارت في عقلي بسرعه الصاروخ بس الصاروخ ده وقع علي دماغي بعدها بخمس ثوانى 😂😂
بدأت استوعب واسأل بابا
ساره: بس احنا ناس علي قدنا يابابا وكمان واحد مهندس ومن عيله غنيه مااتجوزش واحده من عيله كبيره زيه ليه ؟!
اسماعيل: بصراحه يابنتى هو عنده مشكله صغيره وانا عارف ان عقلك كبير وهتستوعبى كلامى
ساره بمرح: خير ياحاج اسماعيل فرحنى العريس ده أحول ولا ايه 😂؟!
اسماعيل: ههههه لا مش للدرجه دي بصي ياحبيبتي محدش كامل بصراحه العريس عنده اعاقه في ايده اليمين
ساره بعصبية: يعنى انتو عايزين تجوزونى واحد معاق عشان فلوسه؟!!!
اسماعيل: عيب كده يا ساره انتى عارفه ان اهم حاجه عندي الأدب والاخلاق والجدع سألنا عليه وكله بيشكر في ادبه واخلاقه وبعدين يابنتى هيعيشك عيشه مرتاحه تعوضك عن الفقر اللي عشتيه هنا وكمان جاهزين لا طألبين جهاز وحتى شنطه هدومك هيجيبوهالك ودى فرصه يابنتى بدل ماتقعدى جنبي عشان مش هقدر إجهزك
ساره بضيق شديد: هو مين اللي جاب العريس ده؟!
اسماعيل: عمك حمدى ماانتى عارفاه ابو العريس يبقي صاحب الشركه اللي هو شغال فيها الراجل بيرتحاله قوى وبيثق فيه فسأله عن عروسه بنت حلال لابنه
ساره: وعنده كام سنه العريس ده إن شاء الله؟!
اسماعيل: عنده ٣٣ سنه
اتأكدت وقتها ان محدش بيوافق عليه من بنات العائلات الكبيرة ماهو واحد مهندس وغنى ايه اللي يقعده ل٣٣ من غير جواز
كده بانت اكيد بيدوروا علي عروسه غلبانه من عيله فقيره توافق بظروفه
ساره: بس انا مش موافقه يا بابا
اسماعيل بصدمه.:ليه يا ساره ده فرصه مش هتتعوض يابنتى هو مالوش ذنب دى خلقه ربنا هنحاسبه عليها ده حتى حرام وبعدين يا بنتى محدش هيجبرك على حاجه قابليه ولو ماعجبكيش ارفضيه
ساره بزهق: حاضر يابابا اللي تشوفه
،،،،،،
قمت الصبح علي حركه كتير في البيت وكنا بدرى لقيت ماما واختى سما قالبين البيت ونازلين تنفيض وتنضيف
ساره: خير ياجماعه ايه النشاط المفاجئ ده
سما بفرحه طفوليه: عشان عريسك جاى النهارده يا عروسه
ساره بغيظ: عرسه اما تاكل ودانك ياجزمه
ماما: تعالي معايا شوفي خالتك ام هدى جارتنا بعتالك طقم جميل من بتوع هدى اللي بتروح بيهم الجامعه ادخلي قسيه بسرعه
ساره بعدم اهتمام: ولازمتها ايه نستلف هدوم من الناس كنت هقابله بأى حاجه من عندى ماهما جاين وعارفين اننا علي قدنا
ماما: روحى بس يا ساره قسيه واسمعى كلامى يابنتى
وفي المعاد المحدد وصل العريس ووالدته بصراحه مشاعرى كانت متخلبطه كسوف علي زهق علي تردد أول ماعينى جت ع العريس وعينه جت في عنيا حسيته مغرور حتى ماكلفش خاطره وابتسم في وشى كانت نظراته حاده لدرجه خوفتنى منه عكس والدته كانت بشوشه وماحسستناش ان جايه من مستوى عالي عننا وسلمت عليا بحراره
.
زهره” والده العريس”: ماشاءالله تبارك الله ايه القمر اللي هل علينا ده ؟!
وعدت المقابله وهو ساكت معظم الوقت لدرجه انى حسيت انه جاى غصب عنه
وانا محتاره وخايفه وبابا وماما عمالين يزنوا ويغرونى بالمستوى المادى اللي هوصله لما اتجوزه,,,,,,,,,
زهره: ايه رأيك في العروسه يامحمد اظن مفيش بعد كده تقول للقمر قوم وانا اقعد مكانك
زفر محمد بضيق: وهى دى المشكله مكنتش عايزها جميله اوي كده هتتغر بجمالها وتقعد تعايرنى
.
قاطعته امه: حرام عليك يا محمد البنت شكلها طيبه وخجوله مش بجحه زى بنات اليومين دول انا قلبي انشرح لها وان الله تكون من نصيبك
محمد بحزن: شوفتيها وافقت عليا اكيد هترفض زى االي قبلها واحده بالجمال ده كله هتوافق علي واحد زيى ليه حتى لو غنى سهل توقع واحد أغنى منى بجمالها
زهره فال الله ولا فالك هنوافق قلبي بيقولي انها هتوافق
وبعدين انت قاعد ساكت مش تكلمها تحسسها انك مهتم ؟!
ع العموم انا هروح لها بكره واقعد معاها ومش هرجع غير وانا واخده موافقتها إن شاء الله
،،،،،،،،،،
ياترى ايه هيحصل في المقابله دى وازاى هيقنعوا ساره تقع في الفخ الرهيب ده….. يتبع
الجزء الثاني من هناااااااااااا
وطبعا قضينا الليله كلها في الكلام عن العريس وعشان اسكتهم قولت لهم هصلي استخاره وانا جوايا مرعوبه صحيح العريس شكله امور مش مبعجر ولا شكله كبير بس حسيته طبعه شديد وحاد تانى يوم لاقيت ماما بتقولي ان والده العريس باعته رساله مع عم حمدى صاحب بابا انها هتيجى تزورنا بعد المغرب استغربت دى كانت لسه عندنا امبارح وفضلت طول اليوم قلقانه ومارحتش الشغل لحد ماوصلت في معادها ومعاها هدايا قيمه جدا ليا هدوم وبرفانات وشكولاته وكأنها بتقول دى عينه من العز اللي هتشوفيه بس انا ماانكرش انى ارتحت لها
ماما:مالوش لزوم التعب ده ياحببتي وكفايه اللي جبتوه امبارح
زهره : مفيش حاجه تغلي علي ساره وسواء حصل نصيب او ماحصلش الله لا يقدر فالحاجات دى بتاعتك ياساره ربنا وحده بعلم انتى دخلتى قلبي ازاى
حسيت بكسوف من كلامها ووشى احمر بصيت في الأرض وسكت
زهره ضاحكه: من اول ماشوفت وانتى واخده قلبي بكسوفك ده ربنا يحميكى كنت عايزه اتكلم معاكى ياحبيبتى في كذا حاجه وانتى بعدها قررى براحتك ولو عندك اى سؤال اتكسفتى تسأليه محمد اسألينى وانا هجاوبك
بصيت لها وكل الكلام راح من عقلي
زهره: بصي ياحبيبتي محمد ابنى الكبير واخوه أحمد اصغر منه ب٣ سنين متجوز وعنده بنوته صغيره واخوه الثالث عمر عنده ٢٨ ولسه عريس بقاله كذا شهر واخر العنقود زينه عندها ٢٣ مخطوبه وفرحها بعد اربع شهور وأمنيه حياتي أطمن علي محمد مع بنت الحلال اللي تصونه وتتحمل ظروفه
كل ده وانا بسمعها وساكته
زهره: طيب مش عايزه تسألينى اى سؤال عنه؟!!
بصيت لها وانا حاسه انى غباء الكون هبط علي دماغى ومش فاكره ولا سؤال من اللي كنت ناويه اسأله😏
ساره بعد تفكير: هو مهندس ايه اصل غريبه ان حد يكون ٠٠٠٠٠ حسيت انى بلبخ سكت وماكملتش
زهره: محمد مهندس في البرمجه كل شغله علي الكمبيوتر وماشاء الله عليه مسمينه العبقرى كان من أوائل دفعته واخد الماجستير وبيحضر الدكتورة وكمان جايله فرصه شغل ممتازه في انجلترا هيسافر يشتغل وياخد الدكتوراه من هناك ولو حصل نصيب هتسافرى معاه
كنت مركزه معاها في كل كلمه
زهره: هو ماعندوش غير شغله فتلاقيه يبان جد قوى وشديد بس من جواه طيب وحنون وعنده عزه وكبرياء مالوش حدود،،،طيب مش عايزه تعرفي ليه مااتجوزش لحد دلوقتي؟!
بصيت لها بلهفه وهزيت راسى
زهره: محمد كان بيحب زميلته في الكليه وكانوا متفقين على الجواز بعد التخرج وكانت من عيله كبيره بس أهلها رفضوا، الناس بتحكم من المظهر تعرفي جوزوها واحد تانى بهدلها وطلقها ولما اهلها راحوا لمحمد اعتذروا له وقالوا احنا موافقين تتجوزها محمد رفض لانهم جرحوا كرامته في الأول وفضل كذا سنه ماعندوش غير شغله ومهما ازن عليه مايرضاش لحد ماجت فرصه السفر دى وكان عايز يسافر لوحده بس انا حلفت مايسافر غير وهو متجوز وروحنا لكذا واحده بس ماحصلش نصيب ،،،،مش عارفه قلبي اتفتح لك وعماله احكيلك كل حاجه ودى حاجه ماحصلتش مع حد قبل كده
ابتسمت لها وانا حاسه بارتياح جامد ناحيتها قلت لنفسي طيب اعمل ايه ده انا ارتحت لام العريس أكتر من العريس نفسه😁
ساره: ربنا يقدم اللي فيه الخير يا طنط وان شاء الله هستخير وهرد علي حضرتك
زهره: وانا مستنيه ردك ياحببتي ربنا يجعل لنا في القمر ده نصيب ،،استأذن ياجماعه
خرجت زهره وفى دماغى بركان افكار استخرت ونمت عشان اهرب من التفكير .
،،،،،،،،،
ذكى’والد العريس’: أي الاخبار يازهره طمنينى؟!
زهره: مستبشره خير إن شاء الله توافق قالت هتستخير وترد
في اللحظة دى بيدخل محمد
محمد: السلام عليكم ازيكو يا جماعه اخباركم
ذكى: الحمدلله بخير اخبارك انت ايه؟!
محمد: هلكااااان هطلع انام عشان عندى شغل مهم الصبح
زهره بضيق: يعنى ماسألتش عملت ايه عند العروسه؟!
محمد بعدم اهتمام: اه صحيح عملتوا ايه؟!
زهره: صبرنى ياربي ياحبيبي فكر شويه في نفسك زى ما الشغل مهم جوازك مهم مش عايز تعمل بيت واسره؟!!
محمد: حاضر ياماما،تصبحوا على خير
زهره بعصبية: ده انت حتى ماسألتش العروسه وافقت ولا لا
محمد: مش عايز اعلق نفسي بحاجه ممكن ماتحصلش توافق او ماتوافقش هسافر بعد شهر
عدى كام يوم وانا متردده وكميه زن مش طبيعيه من ماما وبابا كل اما افكر في المستوى اللي هروحله وكمان هسافر بره حاجه مكنتش أحلم بيها وابقي حاسه انى موافقه ولما افكر في ظروفه وفرق السن ارجع أتردد وفضلت كده ٣أيام ومش قادره اعرف ليه في لحظه قولتلهم موافقه طبعا كانوا هيطيروا من الفرحه وانا مش حاسه بفرحه غير انى مبسوطه انهم فرحانين والزغاريد ملت البيت وبسرعه البرق لقيت كل حاجه بتجهز من اول ماوافقت واخدنى اعمل باسبور وجابلي شبكه ماشوفتش زيها وماما زهره اخدتنى المول واشترت لي هدووم كتير وبرفانات ومكياجات وانا طايره من الفرح زى طفله صغيره فرحانه بهدوم العيد وجابتلي موبايل حديث كانت هدى جارتنا بتيجى تعلمنى استعمله ازاى وكل ده والعريس اهتمامه قليل ماما زهره بتكلمنى كل يوم وهو احيانا يصادف وجوده في البيت فتديه ماما زهره التلفون يطمن عليه بكلمتين وخلاص
لحد ماجه يوم الفرح ماما زهره جهزت أوضه محمد وقالت نقعد معاها ال٣ ايام دول قبل مانسافر رغم انه له فيلا لوحده بس انا فرحت عشان هبقي مع ماما زهره اليومين دول
كان يوم اسطورى كل حاجه كانت تحفه الفستان قاعه الفرح كل حاجه زى الحلم
زهره: ماشاءالله تبارك الرحمن ايه الجمال ده ياناس الله اكبر
انا خايفه تتحسدى
انا شخصيا مكنتش مصدقه انى هبقي بالجمال ده كله
لما جه محمد عشان ياخدنى كنت مستنيه يعمل زى العرسان ويقول كلمه حلوه ويبوس جبينى استنيت اللحظه دى لكن للاسف ماحصلش دخل وبص عليه بس كانت أول مره يبص لي كتير كده كنت حاسه انى عجبته بس مااتكلمش
محمد: يلا بينا
وخلص الفرح وروحنا الفيلا ودخلنا الاوضه كنت هموت من الكسوف مين يصدق انى في ٣ اسابيع انخطب واتجوز واحد ماقعدتش معاه اكتر من ساعتين علي بعض
محمد: هدخل اخد شاور واغير ،غيرى هدومك براحتك عما اخلص
سكت مش عارفه ارد اقول ايه
محمد: مالك في ايه!!
ساره بكسوف: اصل !اقصد !مش هعرف اقلع الفستان وحسيت بنار خارجه من وشى
قرب محمد بعدم اهتمام وفتح سوسته الفستان ودخل الحمام يغير هدومه من غير ولا كلمه
قلعت طرحتى وفستانى ولبست بيجامه تحفه لدرجه انى فضلت لحد ماخرج من الحمام ببص لنفسى في المرايه وفردت شعرى علي ضهرى
خرج ولمحته بيبص لي. حسيت باحراج اخدت هدومى وقلت له هادخل اخد شاور هز رأسه ومااتكلمش خلصت واتوضيت وخرجت لقيته قاعد سرحان
فقلت له بتلقائيه: يلا بقي يامحمد
بص لي باستغراب : يلا ايه؟!!!
ساره: يلا نصلي مش العريس والعروسه بيصلوا سوا بعد الفرح مايخلص
محمد مبتسما وكانت اول مره اشوف ابتسامته: اه صحيح يلا
لبست اسدالى وصلينا وبعد الصلاه قرب منى وقالي عايز اتكلم معاكى في حاجه،،وكانت الصدمه…….. يتبع
الجزء الثالث من هناااااااااا
لقيت محمد بيبصلي نظره غريبه وبيقولي بكل صرامة: ممكن أعرف انتى وافقتى تتجوزينى ليه؟!!
السؤال صدمنى وقبل ماأرد كمل هجومه عليا: انا أقولك وافقتى عشان الفلوس مش كده
ساره: انا٠٠٠٠٠
محمد بعصبيه: استنى اما اخلص كلامى وبعدين اتكلمى براحتك
عايزه تعرفي بقى انا اتجوزتك ليه
سكت والدموع بتنزل من عيونى جرحنى بقسوته
محمد: انا اتجوزتك عشان عندى اعاقه في ايدى و محتاج واحده تساعدنى في اكلي ولبسي وكمان كنت عايز ارتاح من زن أهلي عليا في موضوع الجواز
يعنى من الاخر احنا متجوزين مصلحه انتى هتخدمينى وتشوفى طلباتى وانا هديكى فلوس وأعيشك في مستوى ماكنتيش تحلمى بيه…..
ياااااه علي قسوه قلبك يامحمد في خمس دقائق حولتنى من زوجه لخدامه جايه تخدمك بالفلوس حطمنى وكسر فرحتى حسيت انى بكرهه وبكره ماما زهره ليه قالتلي انه طيب وحنين؟!!!
ده طلع قلبه حجر ماقدرتش اتكلم خنقتنى دموعى وهو مااكتفاش لسه
محمد بغرور: انا مش هقدر أعاملك كزوجه ع الاقل دلوقتي اما احس انى متقبلك لان صورتك عندى دلوقتي مش حلوه
أصلى شايفك واحدة مستعدة تعمل أى حاجة عشان خاطر الفلوس
حسيت الدنيا بتدور بيا قمت من غير ولا كلمه رميت نفسي علي السرير ودموعى مش بتقف لدرجه انى تخيلت انى هموووت من قهرتى وفعلا قلت الشهاده ورحت في النوم وكلي امل انى اموت فعلا وأرتاح من القهر والحزن
اللى ملى قلبى وسود كل الدنيا فى عنيا
بعد ما كنت مفكرة انها بدأت تنور وتضحكلى
………
نامت ساره علي طرف السرير ومحمد نام ع الطرف الثاني وبينهم مسافة حاول محمد ينام لكنه ضميره معذبه وبدأ يندم على الكلام اللى قاله
محمد محدثا نفسه: ايه اللي عملته ده؟! كان ممكن اكلمها بطريقه ألطف من كده مهما كان دى لسه بنت صغيره ليه جلدتها بقسوة كده؟!
فضل يتقلب فى سريره و
كل أما يحاول محمد النوم يسمع شهقات ساره يقوم يبص عليها يلاقيها نايمه والدموع بتجرى من عنيها
مد محمد ايده وبدأ يمسح دموعها
محمد فى نفسه بندم شديد:
قد ايه جميله ورقيقه ليه بس ياربي اللي خلانى عملت فيها كده؟!!
وهو قاعد يعاتب نفسه فجأة حس انها فيها حاجه غريبه بدأت تتحرك وملامح وشها تتغير كأنها بتتألم و ثوانى وبدأت حركتها تزيد وهو بيراقبها ومش عارف يعمل ايه ؟؟
وفجأة قامت مفزوعه بتصرخ من ألم رهيب في بطنها
ساره: بطنى هموووووت ااااه بموت ماما الحقينى
كانت بتتلوى من الألم وبتعيط وبتصرخ جامد جدا
محمد بتوتر وخوف: مالك ياساره ايه اللي بيوجعك؟!
صرخت ساره: بطنى بتتقطع هموووت
خرج بسرعه لأوضه والدته وخبط
زهره بقلق:في حاجه يامحمد ؟!
محمد بفزع: ايوه ساره تعبانه اوي كلمى الدكتور ياسر يجى حالا
صرخت زهره بفزع: استرها من عندك يارب
زهره كلمت الدكتور ودخلت تجرى علي اوضه محمد
زهره:مالك ياساره ياحببتي ايه اللي تاعبك؟!
انهارت ساره لما شافت زهرت وارتمت في حضنها
ساره ببكاء: ماما زهره روحينى ارجوكى عايزه امشى من هنا انا هموت عايزه أموت في بيت بابا ارجوووكى انتى مش قولتلي أن انا زى بنتك ابوس ايدك روحينى وبدأت ساره تصرخ بهيستريا
ومحمد واقف بيراقبها بحسرة ومش قادر يتكلم….
زهره: اهدى بس ياحببتي انتى اتحسدتى؟! كان قلبي حاسس ان هيجرالك حاجه
جيب العواقب سليمه يارب
حست ساره بسكينه في حضن زهره وفضلت نايمه في حضنها ودموعها مش بتقف وزهره بتبكى علي حالها وبتقرأ قرآن وتمسح علي رأسها وساعدتها تغير هدومها ولبستها طرحه
دقائق ووصل الدكتور ياسر جارهم وكشف عليها
ياسر: واضح ان قولونها عصبي جدا واتعرضت لخوف او توتر شديد جابلها النوبه دى هكتبلها علي محلول تاخده دلوقتى وهيبقي فيه مهدئ وإن شاء الله تقوم كويسه بس تبعد عن جو التوتر والانفعال
محمد : شكرا يادكتور تعبتك معايا
ياسر :ولا تعب ولا حاجه هبعت لك دلوقتي ممرضه تركب لها المحلول وتقعد جنبها اما يخلص وتتطمن عليها
وبعد ساعه بدأت ساره تهدى وتنام ومحمد وزهره قاعدين جنبها ولما اتطمنت عليها دخلت هى كمان تنام
زهرة: قوم يا حبيبى نام وارتاح شكلك تعبان
هى خلاص نامت ربنا يصرف عنها
محمد: حاضر يا ماما
زهرة: تصبح على خير يا محمد
محمد: وانتى من أهله يا ماما
حس محمد بالتعب دخل ينام وعيونه على ساره لحد ماغلبه النوم
وبعد كام ساعه
صحى من النوم الصبح لقي ساره لسه نايمه وحس انها افضل من امبارح ملامحها هاديه ومريحه
فكمل نومه بعد مااطمن عليها بعدها بساعه صحيت ساره ولقت محمد نايم جنبها بصت له بغيظ وكره قامت بسرعه مش طايقه تكون قريبة منه كده
دخلت الحمام اخدت شاور ولبست هدومها ونزلت تقعد مع زهره وزينه
زينه بمرح: صباحيه مباركه ياعروسه ها طمنينى الجواز حلو لا وحش؟!
سكتت ساره وابتسمت ابتسامه مصطنعه
زهره: عامله ايه دلوقتي ياحببتي خضتينا عليكى
ساره والدموع في عينيها: الحمدلله
زهره بحنان:هونى على نفسك ياساره بتفكرينى بنفسى قعدت اسبوع اعيط بعد الجواز افرحى ياحببتي دول احلي يومين في العمر كله
زينه: امال العريس فين؟!
ساره: لسه نايم انا هخرج في الجنينه اغير جو شويه
زهره: اتفضلي ياحبيبتى براحتك
ساره في نفسها: اعمل ايه دلوقتي ياربى دبر امرى ارجع لأهلي واقهرهم علي حالي بعد ماكانوا طايرين من الفرح امبارح ولا اعيش خدامه مع واحد قاسي وما بيرحمش زى ده ؟!غلبتها دموعها وفضلت تبكى بقهر على كل
احلامها اللى انهارت فى لحظة واحدة!!!!
وفجأة لقت محمد قدامها بيبص لها وحست ان نظراته بقت اقل حده عن امبارح
محمد: اخبارك ايه النهارده ياساره؟!
مسحت ساره دموعها وردت من غير ماتلتفت له: الحمدلله
محمد: طيب تعالي عشان نفطر سوا انتى ما اكلتيش من إمبارح..
.
ساره : ماليش نفس وبعدين مايصحش اكل مع حضرتك ياسيدى
ظهر الغضب الشديد في وجه محمد: اما أقولك كلمه تتسمع يلا نفطر الفطار جاهز
ساره بعند: مش هتأكلنى غصب عنى!! قلتلك مش عايزه آكل….
محمد بغيظ: واضح اننا هنتعب أوى مع بعض
ساره: شكلنا مش هنلحق نتعب بعض مجرد مابابا وماما يوصلوا هروح معاهم
محمد بعصبية: يعنى ايه؟!!!
ساره: يعنى طلقنى يامحمد
محمد: انتى اكيد جرى لعقلك حاجه
ساره:ببكاء فعلا جرى لعقلي حاجه
يوم صدقت انك انسان محترم واخلاق يوم ماصدقت والدتك لما قالت انك طيب وحنين انت مش ممكن تكون بنى آدم بيحس زينا
طلقنى يامحمد ارجوك……يتبع
الجزء الرابع من هناااااااااا
محمد بصدمه: هو لعب عيال ولا ايه؟! انتى لسه فكرانى مراهق زى حضرتك وهقعد احب فيكى واسهر طول الليل ابعتلك رسايل واجبلك دبدوب في الفلانتين؟!!! اعقلي شويه وأفهمى طبيعه الوضع اللي احنا فيه دلوقتي لو سمحتى واوعدك ياستى هزود مصروفك وهجبلك اللي ماكنتيش تحلمى بيه ها قولتى ايه؟!!
ساره باشمئزاز: تصدق الكلام معاك تضيع وقت ومش هسمح لك تتعامل معايا بالاسلوب ده انا مش للبيع ياباشمهندس
انا لو كنت عايزه الفلوس وبس كنت وافقت على صاحب سلسله المحلات اللي كنت بشتغل فيها عرض الجواز اكتر من مره ووعدنى بشقه راقيه هتتكتب باسمى وحساب في البنك كان عايزنى زوجه تانيه بس انا رفضت …
رفضت وقلت لازم اتجوز انسان يحبنى واحبه
وابنى معاه بيت حياه تقوم علي الحب والاحترام والتفاهم ويعوضنى بحنانه عن قسوه الايام اللي عشتها
البنت الفقيره مش لازم يكون كل هدفها الفلوس ياباشمهندس لحظه احساسها بالامان مع الإنسان اللي اختارته لحظه مايحسسها بقيمتها ويقدر وجودها في حياته
احسن من فلوس الدنيا كلها انا كتبت لحضرتك تنازل عن كل حقوقي والشبكه حطتها في دولاب حضرتك. والهدوم والحاجات اللي جبتوها عندكم
تقدر بسهوله تشوف واحده تقوم بالمهمة دى
كل ده ومحمد بيبص لساره ومذهول قد ايه المراهقه الصغيره دى ادته درس قاسي اوى وكسرت غروره
محمد بندم: انا آسف يا ساره
بجد دى اول مره اعتذر لحد في حياتى
وساره ساكته والدموع بتنزل على خدها بغزاره
محمد: انا حاسس انى استعجلت في الحكم عليكى ممكن تدينى فرصه ثانيه نبدأ فيها من جديد ممكن يا ساره؟! وانا فعلا أسف جدا ع اللي حصل إمبارح…
ساره حست انها مترددة ومش عارفه تعمل إيه ترجع بيت أهلها زى ما قالت ولا تحاول تكمل معاه وخاصة ان أهلها ممكن هما اللي يصروا علي رجوعها تانى لو مشت خوفا من كلام الناس
ساره بتردد :هحاول بس مش عشانك عشان خاطر اهلي اللي ممكن مايتحملوش صدمه طلاق بنتهم يوم صباحيتها
بس انا مش هقدر اعاملك كزوج حاليا لحد مااحس انى متقبلاك لان صورتك عندى دلوقتي مش حلوه!!!
ابتسم محمد لانها عادت له نفس الجمله اللي قالها لها امبارح بالليل
محمد: ماشي يا ستى حقك
بعد كام ساعه جه والد ساره والدتها واختها يطمنوا عليها والفرحه باينه علي وشهم ماحبتش تضايقهم وتحكى لهم حاجه من اللي حصلت ومثلت عليهم دور السعاده باحتراف
وعدى الأربع أيام واحنا مشغولين بالتجهيز للسفر أو قاعدين مع أهله وبصراحة كنت مبسوطه جدا بوجودى مع ماما زهراء وزينه اخته وكانت معاملتهم معايا كويسه جدا
اما بالنسبة لي أنا ومحمد فالوضع كان هادىء جدا لدرجه البرود زى لوح الثلج كل واحد فينا كان بيحاول يشغل نفسه بأى حاجه الثانى مايكنش فيها ولا له دعوه بيها وكأن كل واحد فينا في عالم لوحده
🌺🌺🌺🌺🌺🌺🌺🌺🌺🌺🌺🌺
وجت اللحظه الصعبه وانا بسلم علي أهلي واودعهم لمصير مش عارفاه
هعيش بلد غريبه مع زوج غريب كنت خايفه بس توكلت على الله ودعيت ربنا يكتب لي الخير
أول ماركبت الطياره كنت مرعوبه لكن محمد طمنى لحد ماوصلنا وركبنا لحد شقتنا
كنت مرهقه جدا من السفر دخلت خدت شاور وخرجت وقلت له: الحمام فاضي اتفضل تحب اساعدك في حاجه؟!
محمد : لا متشكر
اتعشينا ونمنا من التعب وإرهاق السفر
تطبيق الواتباد- اقرأ، اكتب، تواصل
لقيته بيصحينى الصبح بدرى افتكرته هيخرجنى نتفسح زى ماما زهره وعدتنى وتخيلت اننا هنبدأ شهر العسل ع الاقل بكام يوم أجازه نتفرج فيهم على البلد دى ونقضى وقت حلو بره يساعد اننا نقرب من بعض و نزيل الفجوه الرهيبه اللي بينا لكن كل ده كان سراب وأوهام في دماغي أنا بس وهو كان له خطط تانيه خالص
اتفاجأت لما لقيته بيطلب منى اساعده في لبسه عشان يروح الشغل
اتصدمت بس مابينتش وكتمت جوايا اختار بدله شيك جدا بدأت البسه الشراب واقفله زراير قميصه وانا متوتره ومحروجه ومابصتش في عنيه خالص خلصنا اللبس
جهزت له الفطار أكل ونزل من غير ولا كلمه
وانا قعدت افكر هعيش ازاى مع البنى آدم الغريب ده
ازاى مش حاسس بيا خالص للدرجه دي و انى اول مره اكون في مكان جديد عليا زى ده ومشى من غير حتى مايفهمنى حاجه أو الدنيا هتمشى معانا ازاى
وافتكرت اننا ماجبناش حاجه للغداء يدوب جبنا امبارح حاجات خفيفه للفطار والعشاء
بعد ساعتين لقيت التلفون بيرن استغربت في الأول وبعدين فهمت أنه اكيد هو
ساره: ألو السلام عليكم
محمد: وعليكم السلام،ايوه ياساره انا هجيب الغداء وأنا جاى ماتشغليش بالك
ساره : تمام
محمد: طيب سلام يا ساره دلوق