غرام الادهم الفصل الثالث والرابع
: كل حاجه هنا بنجبها من أرضنا أرض ادهم و فارس
مروه اتكلمت بغضب مكتوم من خجلها أمام الجميع بسببها
: دوقي و قولي لعمي رأيك أرضنا احسن ارض في البلد كلها فارس واخد باله منها اوى
مسكت غرام المانجا وقطـ عتها و أكلت منها قطعه صغيره باحراج شديد من نظراته
فارس قام وقف و بص لـ حمدان ، و اتكلم
:أنا هروح أنا الأرض
حمدان بصله و ابتسم بهدوء
: روح يا ولدي ربنا معاك
مشي فارس و خرج من السرايا ، قام ادهم بضيق
: انا هطلع بقي عندي تليفون مهم لازم أعمله يلا يا غرام
سابت الطبق و قامت وقفت ، وقفتها مروه
: رايحه فين خليكي قاعده شويه إيه مش عجباكي المانجا بتعتنا و لا إيه
بصتلها غرام ، و اتكلمت برقه
: لا حلوه اوى
مروه بصيت على الطبق و كملت كلامها
: طب ما تكمليها
غرام بصيت عليها ، و اتكلمت
: اه هكملها بس لما أنزل عن اذنك يا عمي هطلع مع ادهم
مشيت بسرعه و ادهم وراها بيتوعدلها بالهلاك ، و هي طلعه على السلم حسيت بدوخه شديد ، و الدنيا فلت بيها ، اختل توازنها و كانت هتقع سندت على
يتبع….
الفصل الرابع
غرام حسيت بدوخه شديده.. جت تسند على التربزين ايديها فلتت و وقعت على السلم ، نزل ادهم لمستواها بقلق شديد و خوف
: غرام مالك أنتي كويسه
غرام بصتله و كانت الروئيه منغنشه ، فضلت تهرش.. في أيديها جامد
حملها ادهم بخوف مفرط و طلع بسرعه الجناح ، دخل الغـ,ـرفه و من بعديها الحمام.. حطها على الأرض و سند رأسها على البانيو
قام بسرعه فضل يدور على إي دواء لـ الحساسيه و هوا حاسس بتوتر مفرط ، بصلها و رجع دور فتح درفة أدويه في الحمام طلع فوار دوبه في المياه ، و قرب عليها قعد على ركبته على الارض قدامها و مسك رأسها ساندها على صدره الصلب و حط الكوبايه على بؤها
بصلها و اتكلم بتوتر شديد و خوف عليها
: غرام فتحي عينك و أشربي الفوار هيهدي معاكي الفوران اللي عندك
فتحت عينيها بتعب و شربت منه.. بعد عنها الكوبايه و هوا بصصلها بقلق ، هرشت جامد في أيديها
قام وقف و شالها من على الأرض.. حطها في البانيو و شغل عليها المياه ، اتضيقت من المياه اللي نازله عليها هزيت رأسها بضيق و فتحت عينها بضعف بصيت لأدهم و غمضيت عينيها
ادهم قعد على ركبته جنب البانيو و سند رأسها على ذراعه و هوا و بيحاول يفوقها ، بعد فتره بدأت تفوق تدريجياً و تستجيب معاه.. فتحت عنيها بتعب بصتله بخجل مفرط من الوضع اللي هما فيه.. مسكت رأسها و هي حاسه بصداع شديد و دوخه بسيطه
فضل ادهم بصصلها يتابع حركتها و هي بتفوق بتوتر من قربها ليه ، قام وقف و مسكها من ايديها و سندها قامت معاه و قعدها على طرف البانيو و جاب المنشفه حطها عليها
اتنهد ادهم براحه كبيره لما حس انها بقيت كويسه ، و اتكلم
: خليكي هنا هجبلك هدوم و اجي بدل هدومك اللي اتبلت من المايه
خرج من الحمام و جبلها هدومها و رجع ، كانت قاعده ضمه المنشفه عليها و بتتنغض من الرـ,ـعشه
اداها الهدوم و اتكلم
: أنا هخرج و هسيب الباب مفتوح لو احتجتي حاجه نادي عليا هبقي جنب الباب
رفعت عينيها بصتله بتعب ، و اتكلمت بصوت منخفض
: حاضر
خرج من الحمام و هو بيحاول يهدي نفسه من فرط توتره ، استغرب دقات قلبه اللي بتتسارع مع بعضها.. فتح الدولاب طلع تشيرت و غير هدومه المبلوله
خرجت غرام ، كان ادهم خلص لبـ,ـس قربت على السـ,ـرير و نامت.. قرب عليها ادهم غطاها كويس و قعد جنبها
ادهم بصوت رجولي هادي
: أنتي عندك حساسيه من المانجا
بصتله بتعب و اتكلمت بارهاق
: اه بس اخدتها علشان مكسفش عمي
مد ايديه فتح دورج الكومود من جنبه طلع حبوب.. مسكنه
: خدي المسكن ده علشان دماغك و حاولي تنامي شويه علشان جسمك يرتاح
أخذت منه الدواء حس بنتظام انفسها ، لاقها نامت بعمق ابتسم بحب على نومها بالسرعه دي ، و اتنهد بتعب و فضل قاعد جنبها يتأمل ملامحها ، و نسي غضبه منها انها نزلت قدامها بملابس ضيقه و بدون حجاب
فاق لنفسه قام من جنبها و دخل البرندا ، قعد على الكورسي و فضل بصص لـ الزرع و استنشق نسيم الهواء براحه و هدوء
_ اللهم صلِّ وسلم وبارك على سيدنا محمد .
بعد مرور اسبوع صحيت من النوم و هي حاسه ثقل عليها لاقيت ايديه محاوطها في حضنه ، لفت وشها بصتله و هي بترفع ايديها مسكت وشه بين ايديها و خلته بصلها
بصيت لـ ملامحه الهادئه رغم قسوتها و حدتها ، مشت سباتها برقه على وشه ، فتح عينه بص في عنيها ، و هي مركزه معاه لدرجة انها مخدتش بالها انه صحي و فتح عينيه و بصصلها
بصيت في عينيه بدون استيعاب و اتكلمت بتوهان
: أنت جميل أوي
